Қазақстан Қаржы министрлігі басшысының орынбасары Руслан Еңсебаев біздің еліміздің азаматтары енді салықты арнайы банктік қосымша арқылы төлей алады деп мәлімдеді. Мұндай функция қазірдің өзінде Kaspi Bank-те жұмыс істейді, ал жақын арада мұндай жаңалық біздің еліміздің Халық банкінде пайда болады.
Қаржы вице-министрінің айтуынша, қазір бұл жаңалық жылжымайтын мүлік пен жер салығында қолданады,ал қазан айының соңында бұл сервиске көлік салығына да қолданылатын болады.
«Біз 70%-дан кем емес салық төлеушілердің салық төлегенін қалаймыз. Бұл өсімақыны ұсыну, шоттарды оқшаулау мәселелерін барынша қысқартады. Сондықтан біздің негізгі міндеттеріміз-ыңғайлы сервис жасау, халықты уақытылы ақпараттандыру, дұрыс есеп жүргізу. Қазір біз осы үш тетікті жүзеге асырудамыз», — деді Руслан Еңсебаев.
Қаржы министрінің орынбасары бұл жаңалықты «Салықтық әкімшілендіруді реформалау» жобасы аясында жүзеге асырып жатқанын атап өтті.
«Ақпараттық жүйелерді жетілдіру бойынша жоспарлы жұмыс жаңа қосалқы жүйелерді құруды және басқа мемлекеттік органдардың деректерімен ықпалдастықты қамтиды. Қыркүйек айында «Интеграцияланған деректер қоры» ақпараттық жүйесінің «Жергілікті салықтар» қосалқы жүйесі пайдалануға берілді. Ол орталықтандырылған есептеу және жеке тұлғалардан жер салығы мен мүлік салығы бойынша хабарламаларды қалыптастыру мақсатында әзірленді», — деді ол.
Бұдан басқа, Руслан Еңсебаев қазір Қаржы министрлігінде «Салық төлеушінің кабинеті» Web-қосымшасын жетілдірумен айналысып жатқанын, оның көмегімен салықтарды есептеу және төлеу жүргізілетіндігін хабарлады.
«Бүгінгі таңда жаңа архитектураға көшуде, оның арқасында әрбір салық формасы, ал олар 38, қосымшаның жеке серверіне бөлінеді. Бұл декларация түрі мен ұсыну мерзімдеріне байланысты өнімділікті неғұрлым икемді басқаруға мүмкіндік береді, бұл ретте «Салық төлеуші кабинетінің» қолжетімділігі бойынша қандай да бір шектеулер жойылады»,-деді Еңсебаев.
