ҚР ҚМ Қаржы мониторингі комитетінде ҚР Қаржы министрлігінің, бас прокуратураның, ҰҚК мен ІІМ-нің қылмыстық жазасын өтеген жеке тұлғаны терроризмді және экстремизмді қаржыландырумен байланысты ұйымдар мен тұлғалар тізбесінен шығару туралы ҚР Құқық қорғау немесе арнаулы мемлекеттік органдарының қорытынды дайындау қағидаларын бекіткен бірлескен бұйрығының талаптары түсіндірілді.
Ереже террористік немесе экстремистік қылмысы үшін қылмыстық жазасын өтеген және қоғамға заңға бағынатын әлеуметтік бейімделу жолына түскен қазақстандықтардың қаржы-экономикалық жағдайын жақсартуға арналған.
Мәселен, түзетулерде ұйым мен жеке тұлғаны Терроризмді және экстремизмді қаржыландырумен байланысты ұйымдар мен тұлғалар тізбесінен алып тастау үшін қылмыстық жазасын өтеген адамды терроризмді және экстремизмді қаржыландырумен байланысты ұйымдар мен тұлғалар тізбесінен алып тастау туралы Құқық қорғау немесе арнаулы мемлекеттік органдардың оң қорытындысы негізінде ҚР Бас прокуратурасы жасайтын жеке тұлғалардың тізімдері негіз болып табылатыны айтылған.
Бұл норма азаматтарға соттылықты жою мерзімі аяқталғанға дейін (ҚР ҚК 79 — бабы) ақша қаражаты мен мүлікті қатыруға байланысты шектеу шараларын алып тастауға мүмкіндік беретін тетікті ұсынады, — деп атап өтті комитетте.
Яғни, террористік немесе экстремистік қылмысы үшін қылмыстық жазасын өтеген, бірақ жойылмаған сотталғандығы бар адам оны терроризмді және экстремизмді қаржыландыруға байланысты ұйымдар мен адамдардың тізбесінен алып тастау туралы сотқа дейінгі тергеп-тексеруді жүргізген қылмыстық қудалау органдарына соттылықты жою мерзімі өткенге дейін өтініш жасауға құқылы.
Өтініш тұрғылықты жері бойынша беріледі.
ҚМК атап өткендей, бұл түзету азаматтардың көрсетілген санаттары экономикалық және қаржылық қызметте шектеу шараларын алып, қоғамға дұрыс бейімделуді, дерадикалдандыруды ынталандыратын фактор болып табылады.
Бұйрық 2020 жылғы 15 қарашадан бастап қолданысқа енгізіледі.
Сурет: zakon.kz
