Интернеттің қазақстандық сегментінде бұрынғы Денсаулық сақтау министрі Елжан Біртановтың сыбайлас жемқорлық қылмыс күдігімен ұсталғаны туралы ақпарат пайда болды. Бұл туралы nur.kz ақпарат агенттігі жазады.
Таратылған хабарламада Біртанов интеграциялық платформаны сатып алуға бөлінген бюджет қаражатын жымқырды деп күдікке ілінгені көрсетілген.
Сондай-ақ, Денсаулық сақтау министрлігінің бұрынғы жоғары лауазымды шенеунігі ұсталып, Нұр-Сұлтандағы уақытша ұстау изоляторына қамалды делінген.
Қаржы министрлігі жанындағы Қаржы мониторингі комитетінің өкілдері өз кезегінде қазіргі уақытта олар бұрынғы Денсаулық сақтау министрінің ұсталғаны туралы ақпаратқа түсініктеме бере алмайтындықтарын айтты.
Комитет заңнамаға сәйкес Денсаулық сақтау министрлігінің бұрынғы басшысына қатысты қылмыстық іс қозғау туралы мәліметтер жария етуге жатпайтынын түсіндірді.
Бұған дейін Батыс Қазақстанда сыбайлас жемқорлыққа қарсы күресушілер облыстық денсаулық сақтау басқармасының басшысын ұстағаны хабарланған болатын. Ол және оның сыбайласы пара алды деген күдікке ілінді. Тергеу нұсқасы бойынша олар 7,5 миллион теңге пара алған, сол үшін орындарған жұмысқа және қабылдау актілеріне кедергісіз қол қойғызуға деп уәде берген.
