Қазақстан Республикасы Қаржы министрінің орынбасары Берік Шолпанқұлов бүгін Орталық коммуникациялар қызметінде өткізген брифинг барысында індетпен күресуге Қазақстан бөлген қаражаттың жалпы сомасы туралы айтты. Бұл туралы tengrinews.kz ақпарат агенттігі жазады.
Қаржы министрлігі басшысы орынбасарының мәліметінше, біздің еліміз коронавирус инфекциясымен күреске 192 миллиард теңге жұмсады. 125 миллиард теңге бюджеттен, ал 67 миллиард теңге — Үкімет қорынан бөлінді.
Сонымен қатар, Берік Шолпанқұлов коронавирусқа қарсы іс-қимылға бөлінген қаражат қатаң мақсатқа қолдаланылатынын атап өтті.
Бұған дейін еліміздің Денсаулық сақтау министрлігінің басшысы Алексей Цой індеттің таралуын болдырмау мақсатында оның ведомствосына республика бюджетінен 115 миллиард теңге бөлінгенін айтқан болатын.
Сонымен қатар, Қазақстан Республикасында коронавирусқа шалдыққандардың саны 51059-ға жетті. Ал, вирустан емделген адамдар саны — 16928.
Сурет: zakon.kz
