Қазақстан Қаржы министрлігінің басшысы Әлихан Смайылов Қазақстанда республикалық бюджетті қалыптастырудың жаңа тәртібін енгізу туралы шешім қабылданғанын мәлімдеді, деп хабарлайды regnum.ru жаңалықтар ресурсы.
Мұндай мәлімдемені Әлихан Смайылов Үкіметте өткен баспасөз мәслихатында айтты. Ол ел бюджетін қалыптастырудың жаңа тәртібі туралы шешім төтенше жағдайға байланысты қабылданғанын түсіндірді.
Енді, министрдің айтуынша, республикалық бюджет министрліктер мен ведомстволар ұсынатын деректер негізінде ірілендірілген есеп айырысулар бойынша қалыптастырылатын болады.
Қазақстан Қаржы министрі республика бюджетін қалыптастырудың жаңа тәртібі бюджеттік өтінімдерді қарауды жеделдетуге ықпал ететінін атап өтті.
Сондай-ақ, Әлихан Смайылов шұғыл шараларды қаржыландыру процесін жеделдету үшін Қазақстан министрлер кабинеті бірқатар басым емес процедураларды қысқартқанын айтты.
Қазір Қазақстан төтенше жағдай режимінде , ол ағымдағы жылдың 15 сәуіріне дейін жалғасады.Төтенше жағдай кезеңінде қазақстандық банктер өз клиенттеріне мерзімі өткен несиелер үшін айыппұл салуға құқығы жоқ.
Сурет: Knews.kz
