Қазақстан қаржы министрі Әлихан Смайылов тұрғындара есеп беру кездесуінде Арысты қалпына келтіруге қаражат Қазақстан Үкіметінің резервінен алынатынын айтты. Бұл туралы Nur.kz ақпараттық агенттігі хабарлады.
“Арыс қаласы азаматтарының тіршілігін қамтамасыз ету бойынша бірінші кезектегі шараларды қабылдау мақсатында Мемлекет басшысы мемлекеттік материалдық резервтен материалдық құндылықтарды шығару туралы өкім берді. Барлық қажетті жұмыс ұйымдастырылды. Тұрғын үйді, инженерлік желілерді, әлеуметтік инфрақұрылымды қалпына келтіру үшін үкімет резервінен қаражат бөлінеді”, – деді Қазақстан Қаржы министрі.
Алихан Смайылов қысқа мерзімде қаланы қалпына келтіруге қажетті қаражат сомасын белгілеу үшін келтірілген барлық залал есептелетінін атап өтті.
“Барлық қалпына келтіру жұмыстарын үкіметтің бақылауымен жедел тәртіпте жүргізетін боламыз. Қала тұрғындарына қолдаған және көмек көрсеткен еліміздің азаматтарына алғыс айтқым келеді. Нұр Отан партиясының бастамасымен ұйымдастырылған “Арыс – біз біргеміз” акциясын қолдау мақсатында қаржы министрлігінің және оның комитеттерінің қызметкерлері бір күндік жалақысын аударды. Бұл қаражат Арыс қаласының тұрғындарына гуманитарлық көмек көрсетуге бағытталады”, – деді Әлихан Смайылов.
Сурет: Primeminister. kz
