Шымкент гарнизонының әскери сотында Арыс маңындағы әскери бөлімде снарядтардың жарылуы фактісі бойынша қозғалған қылмыстық істің егжей-тегжейі туралы хабарлады. Бұл туралы “КазТАГ” ақпарат агенттігі жазады.
Әскери сотта бұл істің сегіз фигуранты еліміздің астанасында Қорғаныс министрлігінде қызмет еткенін айтты.
“16 сотталушыға айып тағылды: Нұр-Сұлтан қаласында қызмет атқарған Қазақстан Қорғаныс министрлігінің сегіз әскери қызметшісі, Түркістан облысы Арыс қаласы мен Шымкент қаласының жеті әскери қызметшісі, бір азаматтық тұлға – Шымкент қаласының тұрғыны айып тағылды”, – деп хабарлады сотта.
Сондай-ақ, Шымкент гарнизонының әскери сотында қылмыстық іс басталған кезде сотталушылардың ешқайсысы тергеу изоляторларында ұсталмағанын атап өтті.
Бұған дейін ағымдағы жылдың 11 маусымында Шымкентте Арыс қаласында оқ-дәрілердің жарылуы бойынша сот талқылауы басталғаны хабарланған. Бұл іспен Шымкент гарнизонының әскери соты айналысуда.
Арыс маңындағы әскери бөлімде өткен жылдың 24 маусымында снарядтардың жарылысы орын алды. Нәтижесінде үш адам қаза тапты, олардың екеуі әскери қызметкер болды.
Сурет: tengrinews.kz
