Қазақстанның Қорғаныс министрлігінде саперлер Арыс қаласында орналасқан әскери қойма аумағын тазалауға кірісті.
Сондай-ақ қорғаныс ведомоствосы қаланың сыртқы аумағын тазартудың аяқталғаны туралы ақпарат берді. Жалпы саперлер 150 мыңға жуық оқ-дәрі фрагменттерін тапты.
Қала аумағын оқ-дәрілерден тазарту жұмыстары еліміздің Қорғаныс министрі Нұрлан Ермекбаевтың бақылауында. Ол әр апта сайын қалаға келіп, жағдайды тексереді.
Өзінің соңғы сапары барысында Ермекбаев атқарылған жұмыстар туралы баяндамаларды тыңдап,әскери қойманы сапалы тазалау және қала тұрғындарының қауіпсіздігін қамтамасыз ету қажеттігін атап өтті.
