ҚР Парламенті Мәжілісі “2004 жылғы 22 желтоқсандағы Қазақстан Республикасының Үкіметі мен Ресей Федерациясының Үкіметі арасындағы “Байқоңыр” ғарыш айлағында “Бәйтерек” ғарыш зымыран кешенін құру туралы келісімге өзгерістер мен толықтырулар енгізу туралы хаттаманы ратификациялау туралы” заң жобасын жұмысқа алды, деп “ҚазАқпарат”ХАА тілшісі хабарлайды.
“Бәйтерек” ғарыш зымыран кешенін пайдалану жөніндегі жобаны іске асырудың негізгі шарттары хаттаманың ережелеріне сәйкес Ресей тарапы зымыран-тасығышты қаржыландыруды және құруды қамтамасыз етеді. Қазақстан тарапы”Байқоңыр” ғарыш айлағының қолданыстағы жерүсті ғарыш инфрақұрылымын жаңғыртуды қаржыландыруды қамтамасыз етеді. Хаттамада: “Зенит-М” нысандарын жалға беруден шығару және оларды Қазақстан тарапына беру; орта класты зымыран-тасығыштарға көшу және 2022 жылы ұшу сынақтарының басталуы қарастырылған”, – деді экология және табиғатты пайдалану жөніндегі комитеттің төрағасы Глеб Щегельский. Мәжілісмендер Комитеттің заң жобасы бойынша қорытынды дайындау ұсынысын 2020 жылдың 30 қыркүйегіне қарай мақұлдады.
