Арыс қаласындағы станция арқылы жолаушылар поездарының қозғалысы толығымен қалпына келтірілді. Бұл туралы АҚ “Жолаушылар тасымалы деп хабарлайды”.
Ағымдағы жылдың 24-27 маусым аралығында созылған Арыс қаласында төтенше жағдай кезінде 15 мыңнан астам жолаушы Тараз, Шымкент және Түркістан қалаларынан автобустар мен пойыздардың көмегімен тасымалданды. Пойыздары рейсте, вагон-мейрамханаларда және вокзалдарда кідіріп жүрген жолаушылар үшін жергілікті билік тегін тамақтануды және ауыз сумен қамтамасыз етуді ұйымдастырды.
Арыс қаласында төтенше жағдай кезінде билеттерді тапсыру үшін кассаға жүгінген жолаушыларға ақша қайтарылды. Жалпы, билеттерге қайтарылған ақша сомасы 50 миллион теңгені құрады. Сондай-ақ, Арыс қаласынан Нұр-сұлтанға 200 баланы тасымалдауға көмек көрсетілді.
Қазіргі уақытта Арыс стансасында жолаушыларды отырғызу және түсіру және билет кассаларының жұмысы толығымен қалпына келтірілді.
