Шымкентте наразылық акциясы кезінде Арыс тұрғындары өздерінің туған қаласында радиация бар екенін, сондықтан олар Арыс қаласына қайтып оралмайтынын хабарлады. Бұл туралы “ҚазТАГ” ақпарат агенттігінің тілшісі жазады.
“Радиация бар! Менің інім кеше Арыс қаласында болды, енді оның көзі іріңдеп жүр, ол сол жерде су ішіп, бірден ауруханаға түсті”, – деп мәлімдеді наразылық білдірген азаматтардың бірі.
Ер адам Арыс қаласында болған бұл жарылыс алғашқы оқиға емес екенін айтты.
“2009 жылы да жарылыс болды, екі адам қаза тапты. Сонда, бұл жағдай қайталанбайды деп бізге уәде берді, уәде орындалған жоқ, ал енді сол жағдай үлкен ауқымда қайталанды. Қазір Арысқа ешқайсысы енді қайтып оралмайды.Тыныш ұйықтауға мүмкіндік болмаса, қалай оралады?”,- деді ер адам.
Сонымен қатар, наразылық білдіруші зардап шеккендер көп деп санайды, тек ешкім дәл санын айтпайды.
“Мен жарылыс кезінде көшеде екі адам жатқанынын көрдім”, – деді Арыс қаласының тұрғыны.
Осы уақытқа дейін Арыс босқындары Шымкентте наразылық білдіруде. Олар Арыстан Шымкентке көшуді ұйымдастыруын талап етеді.
“Шымкентте тұрғын үй сатып әпергенше біз ешқайда кетпейміз. Біз Арысқа оралмаймыз. Моральдық, материалдық залалдар келтірілді. Тоқаев халықты тыныштандыру үшін біздің несиелерімізді жабуға уәде берді! Ол өтірік айтпасын! Арысқа ешкім оралмайды. Сіз Арыста су ішіңіз – жарылыстардан кейін бұл суды ішу мүмкін емес, сиырлар сол суды ішіп, өліп жатыр “, – деді Арыс қаласының тұрғыны Динара Төлебаева.
Сурет: Kaztag.info
