Білім министрі Асхат Аймағамбетов Үкімет басшысы Асқар Маминмен бірге Арыс қаласына жұмыс сапарымен барып, оқу мекемелерінің алдағы оқу жылына дайындығын тексерді. Бұл туралы Қазақстанның білім министрлігі хабарлайды.
Мектептерді тексеру кезінде министр Үкімет басшысына оқу мекемелерінің дайындығы туралы хабарлады. Сондай-ақ Аймағамбетов балаларды қабылдау еліміздің білім министрлігінің бақылауында екенін атап өтті.
“Биыл Арыс қаласында 2318 бала бірінші сыныпқа барады, олардың барлығы орынмен қамтамасыз етіледі, бастауыш сынып мұғалімдері дайындықтан өтті”, – деді Аймағамбетов.
Министрдің айтуынша, оқулықтарды мектептерге жеткізу мәселесін білім министрлігі қалалық әкімдікпен бірге қадағалайтын болады.
Арыс әкімдігі қалалық оқу мекемелерінде қалпына келтіру жұмыстары аяқталғанын хабарлады. Нысандар 1 қыркүйекке дейін пайдалануға беріледі.
“Министрлік жаңа оқу жылының басынан да Арыс қаласының балаларына қатысты мәселелерді тұрақты бақылауда ұстауды жалғастырады”, – деп атап өтті білім министрі.
