Түркістан облысының әкімдігінде Арыс қаласының үйлерінде әлі күнге дейін жарылмаған снарядтар жатқанын хабарлады. Бұл туралы “ҚазТАГ” ақпарат агенттігі жазды.
“Әскери қызметкерлер Арыстың 16 көшесінен 70 жарылмаған снаряд жинады. Олардың көбі үйлерде. Қазір қалаға барудың қажеті жоқ.тіпті құжаттар үшін де”, – деді Түркістан облысы әкімінің кеңесшісі Сәкен Қалқаманов.
24 маусымда Арыс қаласында төтенше жағдай болды. Қазақстан Қарулы Күштерінің қоймасында өрт шығып, оқ-дәрінің жарылысы орын алды. Осы оқиғаға байланысты екі адам қаза тауып, қала тұрғындары эвакуацияланды.
