Сот шешімімен Арыс қаласында оқ-дәрі жарылысына қатысты қылмыстық істі қарау кейінге қалдырылды, себебі прокурор бірқатар сотталушыларға қол қойылмаған айыптау актісін табыс етті. Бұл туралы Әскери соттың ресми порталында хабарланады.
“Биылғы жылдың 11 маусымында прокурорлар әрбір сотталушыға тағылған айыптың мәнін жария ете бастады. Өз тарапынан, сотталушылар мен олардың адвокаттарының бір бөлігі судьяға прокурор қол қоймаған айыптау актісін тапсыруына назар аударды”, – делінген хабарламада.
Қазақстан Республикасы Қылмыстық іс жүргізу кодексінің 304-бабына сәйкес прокурорға оны алғаны туралы қолхатпен айыпталушыға актіні тапсыруды қамтамасыз ету жүктелген.
Тексеру шеңберінде қорғаушы тараптың көрсетілген дәлелдері расталды, осыған байланысты судья прокурорлық қарсылықтарға қарамастан, қылмыстық істі қарауды кейінге қалдырды. Сонымен қатар ол прокурорларды айыптау актісін тапсыру бойынша қажетті шаралар қабылдауға міндеттеді.
2019 жылдың маусым айының соңында Арсеналда оқ-дәрілердің бір бөлігінің жарылуынан өрт шықты. Нәтижесінде екі әскери азамат пен жергілікті тұрғын көз жұмды. 4 айдан кейін сапер оқ-дәрілерді жою қызметі кезінде қайтыс болды.
Зардап шеккен елді мекенді қайта салуға тура келді. Саперлер осы күнге дейін осы қаладан оқ-дәрілерді іздестіру және шығару жұмыстарын жүргізуде.
Сурет: ru.sputniknews.kz
