Қазақстанның Индустрия және инфрақұрылымдық даму министрлігінің баспасөз қызметі Арыс қаласында 6,8 мың үйдің қалпына келтіру жұмыстары толық аяқталғанын мәлімдеді. 2,1 мың үйде жөндеу жұмыстары аяқталуға жақын.
Қаланы қалпына келтірумен 7 мыңнан астам жұмысшы айналысады,құрылыс жұмыстары мемлекеттің тұрақты бақылауында.
«Біз қала тұрғындарын жұмыс жүргізу мәселесі бойынша алаңдамауды сұраймыз. Бірде-бір лауазымды адам жұмысты аяқтамай, қаладан кетпейді. Әрбір үй қатаң бақылауға алынғанын атап өткім келеді», — деді Қайырбек Өскенбаев.
Алайда, қаланың 77 үйінде алаң иелерінің келіспеуі немесе олардың болмауы себепті жұмыстар әлі басталған жоқ. Арыс тұрғындарымен болған барлық даулы мәселелер өңірлер мен Республикалық маңызы бар қалалар әкімдіктерінің көмегімен шешіледі.
