«Батыс» өңірлік қолбасшылығының оқу полигондарында жауынгерлік даярлық жоспары негізінде байланыс бөлімшелерінің тактикалық-саптық сабақтары өтуде.
Әскери байланысшылар взводтарды үйлестіру кезеңін аяқтап, толық құрамда тактикалық-саптық сабақтар өткізді. Дабыл бойынша іс-қимылдар пысықталды, далалық жағдайда байланыс бөлімшелерінің күштері мен құралдарын күшейту пысықталды.
Бөлімшелердің рота командирлері сынақтар мен нормативтерді қабылдады. Тактикалық-арнайы сабақтардың негізгі тәсілі — білім алушылардың функционалдық міндеттерін практикалық пысықтау.
Іс-шара барысында бөлімше командирлері өз бетінше оқып, қол астындағыларды үйретеді, өз дағдыларын жетілдіреді және жауынгерлік іс-қимылдар кезінде байланысты ұйымдастыру мен қамтамасыз ету әдістерін табады. Оқу-жауынгерлік міндеттердің арқасында жеке құрам жауынгерлік жағдайларға жақын іс-қимылдарды үйренеді.
Әскери байланысшылар әр кез толық жауынгерлік дайындықта болып, барлық деңгейлерде ақпарат беруге жауап береді.
Сурет: inform.kz
