Оңтүстік астананың армян нөмірлері орнатылған көлік жүргізушілері наразылық акциясын өткізуді жоспарлап отыр. Олар армяндық машиналарды пайдалануға шектеу қоюға қарсылық білдіргілері келеді, деп хабарлайды “ҚазТАГ” ақпарат агенттігі.
Акция қатысушыларының бірі Асхат Отыншиев Алматы автоәуесқойлары елімізде Армян мемлекеттік нөмірлі көліктерін пайдалануға тыйым салынатындықтан жиналуға ниет білдіретінін айтты.
“Менің Армениядан әкелінген көлігім бар, өзіміз барып, Кедендік одақта кедендік рәсімдеуден өтіп, 2019 жылдың соңында барлық мемлекеттік баж салығын төледім Мен Қазақстанда проблемасыз жүруге болады деп ойладым. Сол кезде ешқандай нұсқау болған жоқ. Мен тыйым салатынын білмедім”, – деді ол.
Асхат Отыншиевтің айтуынша, көптеген жүргізушілер енді шетелдік мемлекеттік нөмірлері бар автомобильдерін есепке қою немесе қайтару қажет дегенге наразы. Оның айтуынша, кәдеге жарату алымының мөлшері тым жоғары, себебі адамдардың көпшілігінде оны төлеу үшін 2,5 миллион теңге жоқ.
Осыған байланысты армениялық және қырғыздық нөмірлер орнатылған көлік жүргізушілері кәдеге жарату алымының мөлшерін төмендетуге қол жеткізу үшін елордаға жүгінуді көздеп отыр.
