Бүгін Армения мен Әзірбайжан Мәскеуде келіскен атысты тоқтату режимі күшіне енді. Алайда, қақтығысушы тараптар бір-бірін бітімді бұзды деп айыптап үлгерді. Бұл туралы zakon.kz ақпарат агенттігі жазады.
Арменияның қорғаныс ведомствосы өкілдерінің айтуынша, Әзірбайжан Қарулы Күштері бітімге қарамастан Қараханбейлі жерінде шабуыл жасады.
Әзірбайжан Республикасының Қорғаныс министрлігі өз кезегінде Армян тарапы Тертер мен Агдам елді мекендеріне оқ жаудырды деп мәлімдеді.
Бұған дейін Ресей астанасында Қарабахтағы жағдайды реттеу бойынша келіссөздер жүргізілді, оның барысында Армения мен Әзірбайжанның Сыртқы істер министрлері Зоград Мнацаканян мен Джейхун Байрамов атысты тоқтатуға келіскені хабарланған. Бұған қоса, тараптар тұтқындармен алмасуға келісті.
Таулы Қарабақтағы ұрыс осы жылдың 27 қыркүйегінде басталды. Оның себебі, Армян тарапының ақпараты бойынша, Әзірбайжан Қарулы Күштерінің бүкіл байланыс желісін қарқынды атқылауы.
