Елбасының бастамасымен Сырдария өзенінің арнасын реттеу және Арал теңізінің солтүстік бөлігін қалпына келтіру жөніндегі жобаның (САРАТС – 1) бірінші кезеңін іске асырудың арқасында Арал теңізіндегі балықтардың көптеген биологиялық түрлері қалпына келтірілді. Бұл балық шаруашылығының дамуына жаңа серпін берді. Осы уақыт ішінде өңірде балық аулау көлемі 20 есеге, 400-ден 8 мың тоннаға дейін ұлғайды.
Бүгінде өңірде 9 балық өңдеу зауыты жұмыс істейді, олардың 4-інде Еурокод бар. Соңғы 5 жылда балықты қайта өңдеу 14% — ға, ал оның экспорты 2,5 есе өсті. Балық өнімдері таяу және алыс шетелдің 14 еліне – Ресей, Грузия, Беларусь, Литва, Өзбекстан, Қырғызстан, Әзірбайжан, Германия, Польша, Қытай, Чехия, Нидерланды, Австрия, Данияға экспортталады.
Өңірдің балық саласының әлеуеті жоғары. Арал теңізі, Сырдария өзені, 207 балық шаруашылығы су айдыны-мұның бәрі аквакультура өсіруде пайдаланылатын болады. Қызылорда облысының балық шаруашылығын дамытудың 2030 жылға дейінгі бағдарламасы, оны іске асыруға 28 млрд.теңгеден астам қаражат бағытталатын болады, тауарлық балық көлемін 34 есеге арттыруға мүмкіндік береді, ал балық өнімдерінің экспорты бағдарламаны іске асырудың соңына қарай қазіргі 4,2 мың тоннадан 8,5 мың тоннаға дейін өседі. 2030 жылға дейін облыста кем дегенде 55 көл-тауарлы балық шаруашылығы, 10 тоған және 4 торлы шаруашылық құрылады, 3 жабық сумен жабдықтау құрылғысы салынады.
Сурет: kyzylorda-news.kz
