Бүгіннен бастап Армения мен Әзірбайжан арасында гуманитарлық атысты тоқтатудың жаңа режимі жұмыс істей бастады, деп хабарлайды «Хабар24» ақпараттық агенттігі.
Республика қаза тапқан әскери қызметшілердің денелерін ұрыс даласынан шығару және тұтқындарды айырбастау мақсатында жаңа режим туралы келісімге келді. Алайда, ол күшіне енгенінен бірнеше сағат өткен соң, қақтығысушы тараптар бір-бірін бітімді бұзды деп айыптады.
Армения қорғаныс ведомствосының мәліметінше, атысты тоқтату режимі басталғаннан кейін, Әзірбайжан солтүстік бағытта артиллериялық снарядтар атып, оңтүстік бағытта зымырандар ұшырған.
Таулы Қарабақ Республикасының Қорғаныс Министрлігі де Әзірбайжан Қарулы Күштерін бітімді өрескел бұзды деп айыптады.
Әзірбайжан Республикасының әскери ведомоствосы өз кезегінде Армян тарапы жаңа режимді өрескел бұзып, Джебраил қаласының айналасын минометтен атқылады деп мәлімдеді.
Таулы Қарабақтағы ұрыс осы жылдың 27 қыркүйегінде басталды. Армян тарапының ақпараты бойынша, мұның себебі — Әзірбайжан Қарулы Күштерінің бүкіл шектесу сызығын қарқынды атқылауы.
