Бүгін Қазақстан Республикасының басшысы Қасым-Жомарт Тоқаевтың Дубай билеушісі шейх Мұхаммед бен Рашид Аль Мактуммен кездесуі өтті. Бұл туралы Ақорданың баспасөз қызметі хабарлайды.
Дубай билеушісі Тоқаевтың БАӘ-ге ресми сапары аясында өткен кездесу барысында оның елі Қазақстанмен экономиканың түрлі секторларын дамыту бойынша өз тәжірибесімен бөлісуге дайын екенін мәлімдеді.
Сонымен қатар, Қазақстан Президентіне қазақстандық делегация қатысатын «ЭКСПО-2020» дүниежүзілік көрмесіне Дубайдың дайындық барысы туралы ақпарат берілді.
Мемлекет басшысы өз кезегінде БАӘ-де жүргізілген, Дубайға әлемдік ірі қаржы және туристік орталықтардың бірі болуға мүмкіндік берген, реформаларды жоғары бағалады.
Кездесу барысында сұхбаттасушылар екі елдің аймақтық және жаһандық деңгейде өзара іс-әрекетін дамыту мәселелерін талқылады.
Тараптар қызметтің түрлі салаларындағы, соның ішінде электрондық коммерция, инвестициялар, туризм индустриясы, құрылыс және көлік салаларындағы ынтымақтастықты нығайтудың перспективалық бағыттарын қарастырды.
Сурет: akorda.kz
