Ондаған жедел-жәрдем көлігін жүргізушілер өздерінің басшыларына шағымдары мен талаптарын білдіру үшін, Қарағанды станциясында жиналды.
Жүргізушілердің айтуынша, оларды жалақы көлемі қанағаттандырмайды. Биылғы медициналық қызметкерлердің еңбекақысын көтеру, оларға қатысты болмағанын айтты.
Жедел жәрдем жүргізушілерімен кездесуге БАҚ, денсаулық сақтау бөлімі мен кәсіподақ ұйымының өкілдері келді.
Мемлекеттік қызметкерлер жалақыны көтеруге қатысты мәселе қазіргі уақытта Қазақстан Республикасы Денсаулық сақтау министрлігінде шешіліп жатқанын айтты.
Жүргізушілер өз кезегінде жол-көлік оқиғасы болған жағдайда оларды жұмыстан шеттетіп қана қоймай, бүлінген көлікті өз ақшасына жөндеуге мәжбүрлеп, тіпті сол уақыт ішінде жалақы да төлемейтініне наразылық білдірді.
Сонымен қатар, наразы адамдар, қызметтік автомобилдерін жөндеуге қойса, сол сағаттар үшін де оларға жалақы төленбейтінін айтты.
Осыған байланысты жүргізушілер жедел жәрдем көліктерін бейне жазба құралдарымен жабдықтау туралы ұсыныс жасады, осылайша олар жол-көлік оқиғасы бола қалса, өз жағдайларын дәлелдей алады.
Кездесу шенеуніктер тарапынан бірқатар мәселелер Қазақстан министрлер кабинеті деңгейінде ғана шешілуі мүмкін деген уәдемен аяқталды.
Сурет: rus.azattyq.org
