Қарағандыда келесі жылы өрт сөндіру-құтқару спорты бойынша чемпионат өтеді,онда әлемнің 20-дан астам елі жарысады. Бұл туралы Қарағанды облысы Төтенше жағдайлар департаментінің баспасөз қызметі хабарлады.
Биыл чемпионат Ресей Саратов қаласында өтті. Онда Қазақстан ерлер құрамасы екінші орынды, жасөспірімдер құрамасы үшінші орынды, ал әйелдер құрамасы төртінші орынды иеленді.
Чемпионат эстафетасы Қазақстанның әйелдер арасында өрт-құтқару спортын енгізуінің арқасында біздің мемлекетке берілді.
Ерлер мен әйелдер командаларының жарыстары жеке өткізіледі. Бағдарламаға шабуыл сатысымен оқу мұнарасының төрт қабатының терезесіне көтерілу, ұзындығы 100 метр кедергілер жолағынан өту, жауынгерлік қанат жаю және өрт сөндіру эстафетасы кіреді.
Сурет: facultet.net
