Қазақстан Республикасының билігі ішкі нарықты толықтырылғаннан кейін, Қарағанды фармацевтикалық кешені шығаратын “Спутник V” коронавирус инфекциясына қарсы ресейлік вакцинаны жеткізу мүмкіндігін қарастыруды жоспарлап отыр. Бұл туралы Денсаулық сақтау министрлігінің баспасөз бөлімі айтты.
“Өндірілген көлем Қазақстан халқын вакциналауға бағытталады. Мөлшерін Денсаулық сақтау саласындағы уәкілетті орган жүргізетін болады. Біздің елімізде шығарылатын вакцина экспорттала ма деген сұраққа “Қазақстан халқын вакциналауға қажетті көлем өндірілгеннен кейін экспорт мәселесі қаралатын болады””, – деп жауап берді министрлікте
Сондай-ақ, денсаулық сақтау министрлігі болашақта “Спутник V” коммерциялық сегментте сатылатынын атап өтті.
“Баға шарттық қатынастар негізінде анықталады. Әлеуметтік бағыт саясатын ескере отырып, мемлекет қолжетімділікке ықпал ететін болады”, – деп түсіндірді ведомствода.
Денсаулық сақтау министрлігінің ақпараты бойынша, Қарағанды фармацевтикалық кешені мен Ресейдің тікелей инвестициялар қоры арасында қол қойылған шартқа сәйкес республикамызға “Спутник V”-нің 22 000 дозасы жеткізілді. Сонымен қатар, ҚФК-да дайындалған ресейлік вакцинаның тәжірибелі партиясы Н. Ф. Гамалея атындағы Ұлттық эпидемиология және микробиология ғылыми-зерттеу орталығында сапаны тексеруден сәтті өтті.
Сурет: discover24.ru
