Қарағанды облысының полиция департаментінде кішкентай қызын кепілге алған оқиғаға түсініктеме берді, деп хабарлайды Қазақстан Республикасы Ішкі істер министрлігінің баспасөз қызметі.
17 сәуір күні 15 сағат 20 минутта 102 телефонына 34 жасар қарағандылық отбасылық жанжал салдарынан барлық туыстарын пәтерден қуып шығып, өз қызын кепілге алғаны туралы хабарлама келіп түсті. Оқиға орнына барлық шұғыл қызметтер шықты.
Полицейлер пәтерге келгенде, ер адам қызын өлтіретінін айтты. Полицейлер келіссөз жүргізе бастады. Ер адамның ата-анасы шақырылды.Бірақ ол баланы босатуға келіспеді.
Біраз уақыттан кейін ер адам орталық қалалық мешітке бару үшін автомобиль талап етті. Полицейлер оның талабын орындады. Бір қолында қызы,екінші қолында баланың мойынына қойылған пышағы бар ер адам пәтерден шықты.
Ұзақ келіссөз жүргізгеннен кейін ол қызының мойынынан пышақ алып, өзіне-өзі қол жұмсамақ болған, бірақ ер адам қызын босатқан кезде, оны полиция қызметкерлері,табельдік қару-жарақты бос патрондармен қолданып,назарын басқаға аударту арқылы ұстады.
Ұсталған азамат полицияға жеткізілді.
ҚР ҚК 261-бабы 2-бөлігі бойынша сотқа дейінгі тергеу басталды.
Ұсталған азаматтың әйелі оның 2 топтағы мүгедек екенін айтты.
Сурет: live.ru
