Полиция қызметкерлері лаңкестік әрекет туралы жалған ақпарат бергені үшін Қарағанды қаласының тұрғынын ұстады. Ол қалалық кафенің ғимаратын жарамын деп қорқытқан. Бұл туралы Қарағанды облысы полиция департаментінің баспасөз қызметі хабарлады.
«13 қазан күні сағат 14.30-да «102» телефонына Қарағандыдағы Ленин көшесінде орналасқан кафелердің бірінде белгісіз біреу ғимаратты жарармын деп қауіп төндіргені туралы хабарлама келіп түсті. 47 жасар ер адамның иыққабында 15 минуттан кейін жарылатын бомба бар екенін мәлімдеді», — деп хабарлады полиция ведомствасынан.
Оқиға орнына қоршау қойылды. Кафе ғимаратынан 2 адам қауіпсіз жерге көшірілді. Бомба бар деген иыққапты тексеру нәтижесінде жарылғыш зат табылған жоқ.
Полиция ведомствосының қызметкерлері «жарғышты» облыстық психоневрологиялық диспансерге орналастырылғанын хабарлады. Аталған факті бойынша Қазақстан Қылмыстық кодексінің 273 бабы (лаңкестік әрекет туралы біле тұра жалған хабарлау) бойынша тергеу жүргізілуде.
