Қарағанды мемлекеттік техникалық университетінде «Ұлт жоспарын жүзеге асырудың негізі — ғылым, білім және өндіріс интеграциясы » атты Халықаралық ғылыми-тәжірибелік конференция өтеді, оған әлемнің 11 елінен, оның ішінде Қазақстаннан ғалымдар қатысады. Бұл туралы «Қазақпарат» ақпарат агенттігі хабарлайды.
Халықаралық конференцияда Қазақстан, Ұлыбритания, Германия, Франция, Ресей, Украина, Венгрия, Болгария, Өзбекстан, Қырғызстан және Тәжікстан ғалымдары өз баяндамаларын ұсынады.
Сонымен қатар, халықаралық конференцияға қатысушылар 13 отырыс өткізуді жоспарлап отыр. Бұл отырыстарда Ұлыбритания, Венгрия, Ресей, Украина және Қазақстан институттарының өкілдері баяндама жасайды.
Өз кезегінде қазақстандық тарап 104 ғылыми және өндірістік ұйымдардың 665 баяндамасын таныстырады. Қазақстанның баяндамаларының басты тақырыбы өндірісте smart және IT-технологияларды қолдану болып табылады.
Естеріңізге сала кетейік, «Ұлт жоспарын жүзеге асырудың негізі — ғылым, білім және өндіріс интеграциясы » атты Халықаралық ғылыми-тәжірибелік конференция 14 және 15 маусымда Қарағанды мемлекеттік техникалық университетінде өтеді.
