Қарағанды сотында «Қазақмыс» корпорациясының тау-кен байыту кешенінің бас директоры Амангелді Минигуловты өлтіруге оқталу фактісі бойынша ашылған қылмыстық істі талқылау басталды.
Қылмыстық істі Қарағанды облысының мамандандырылған ауданаралық қылмыстық сотының судьясы Исламхан Есенбаев қарайды.
Іс материалдарына сәйкес, қастандық ағымдағы жылдың 21 қаңтарында Жезқазғанда орын алды. Амангелді Минигуловтың кабинетіне кәсіподақ ұйымының төрағасы Тоғызбай Тәжбенов кіріп келіп, корпорацияның бас директоры, маман Сабыржан Тембаевты пышақпен жарақаттады. Осыдан кейін кәсіподақ басшысы өзіне қол жұмсады.
Оқиғадан үш күн өткен соң Қарағанды облысының қадағалау органында бас директор мен корпорация маманы пышақ жарақатын алу фактісі бойынша кісі өлтіруге оқталу нұсқасы қаралатынын хабарлады.
Кәсіподақ төрағасының қайтыс болу фактісі бойынша тергеу органдары екі нұсқаны қарастырды, атап айтқанда кісі өлтіру немесе өзін-өзі өлтіруге дейін жеткізу.
Қазір өзіне қол жұмсап, марқұм болған Тоғызбай Тәжбенов кісі өлтіруге оқталды деп айыпталуда, алайда оның туыстары оны айыпталушы емес, жәбірленуші деп санайды. Сот талқылауы жалғасуда.
Сурет: inbusiness.kz
