Жексенбі күні таңертең полиция департаментінің ғимаратында Қарағанды қаласының әкімі Ерлан Қошанов 1 қаңтар күні «Ежелгі Рим» мейрамханасында жаппай төбелесте қаза тапқан адамның туыстарымен кездесті.
Кездесуге барлығы екі жүзден астам адам келді.
Әкім тергеу барысы туралы айтты. Ол жиналғандарға тергеуді Республиканың Бас Прокуроры өз бақылауына алып, процесс ашық және объективті сипатта болатынына және кінәлілердің барлығы лайықты жазаға тартылатынына уәде берді.
Оқиға қатысты «адам өлтіру» және «бұзақылық»баптары бойынша қылмыстық іс қозғалды.
Оқиғаның 8 қатысушысы анықталып,оның ішінде 7 адам қамауда (оның ішінде Малхасян Торгом Манвелович, Малхасян Сохак Самвелович және Надырбеков Каир Хамитович), тағы біреуі (Нарек Гурурян) жасырынып, халықаралық іздестіруде.
Әкімдікте қақтығыстың ұлтаралық сипаты теріске шығарылды.
Фото: Twitter/@OpenGov_kz
