Қарағанды облысы әкімі Жеңіс Қасымбек онлайн-брифинг өткізіп, өңірде медицинаны жаңғырту жоспарларымен бөлісті. Бұл
туралы zakon.kz ақпарат агенттігі хабарлады.
Облыс әкімінің айтуынша, қазір басты міндет денсаулық сақтау жүйесін коронавирустың екінші толқынына дайындау болып табылады. Осыған байланысты аймақта инфекциялық қызметті қалпына келтіріп, дамытуға бағытталған жоспар қабылданды.
Аталған жоспар аясында, Жеңіс Қасымбек түсіндіргендей, аймақта денсаулық сақтау нысандары жаңғыртылады.
Аймақ басшысы ағымдағы жылдың қараша айына дейін облыста 7 медициналық нысанды қалпына келтіру жоспарланып отырғанын айтып, бұл мақсатқа бір миллиард теңге бөлінгенін атап өтті.
Сондай-ақ брифинг барысында Жеңіс Қасымбек коронавирустық инфекция әлі таралып жатқанына,оның əлі аяқталмағанына, сондықтан азаматтар мен ұйымдарға белгіленген карантиндік талаптарды сақтау қажеттігіне назар аударды.
Соңғы мәліметтер бойынша, Қарағанды облысында ресми түрде 662 COVID-19 ауруы тіркелді, ал Қазақстан Республикасында олардың саны 8969-ға жетті.
Сурет: inform.kz
