Қарағанды облысының әкімі Жеңіс Қасымбек Мемлекет Басшысы Қасым-Жомарт Тоқаевқа өңірдегі ағымдағы санитарлық-эпидемиологиялық жағдай туралы айтып берді. Бұл туралы облыс әкімдігінің баспасөз қызметі хабарлады.
Аймақ басшысы бүгінгі таңда коронавирустық инфекциямен сырқаттанушылықтың төмендеу үрдісі байқалып, инфекциядан толық сауығып кеткендердің саны артып келе жатқанын айтты. Сондай-ақ, төсек орындары мен дәрі-дәрмектердің қоры құрылды.
Коронавируспен күресу үшін ауруханалар ретінде жоғары оқу орындарының қонақүйлері мен жатақханалары тартылды. Олар сақталады, яғни коронавирустың екінші толқыны жағдайында барлық жабдықтар сонда қалады. Сондай-ақ, жедел жәрдем қоңырауларының саны азаяды.
Өңір әкімі Президентке ағымдағы жылдың қыркүйегінде жалпы сыйымдылығы 300 төсектік модульдік аурухананың құрылысы басталатынын баяндады. Шахтинск қаласындағы жұқпалы аурулар бөлімшесінде жөндеу жұмыстары жалғасуда, Балахши, Жезқазған және Теміртау медициналық мекемелерінде жөндеу жұмыстарын аяқтау үшін мемлекеттік сараптама жүргізілуде.
Сондай-ақ, соңғы аптада облыста 1300 оттегі концентраторы, 90 өкпені жасанды желдету аппараты, 645 пульсоксиметр және 25 рентген аппараты сатып алынды.
Сурет: gov.kz
