Қарағанды облысының бас санитарлық дәрігері Қанат Асқаров брифинг өткізіп, онда азаматтар карантиннің белгіленген талаптарын сақтамағандықтан аймақта коронавирус ауруының өсуі байқалатынын мәлімдеді.
Асқаровтың айтуынша, халық бетперде режимін сақтамаған және әлеуметтік қашықтыққа немқұрайлы қараған. Азаматтардан басқа, карантин талаптарын түрлі кәсіпорындар мен ұйымдар, соның ішінде қоғамдық тамақтану, сауда және қоғамдық көліктер де бұзған.
Осыған байланысты аймақ басшылығы карантиндік шараларды қатаңдату туралы шешім қабылдады, оның ішінде қала ішіндегі көлік жұмысына шектеу енгізді. Енді ол 6:00-ден 21:00-ге дейін жүреді.
Сондай-ақ, карантиндік режимді күшейтуге сәйкес, Халыққа қызмет көрсету орталықтарында көрсетілетін мемлекеттік қызметтер онлайн-режиміне ауыстырылады.
Бас санитарлық дәрігер Қарағанды облысында қосымша шектеу шаралары бүгіннен бастап әрекет ете бастайтынын атап өтті.
Соңғы мәліметтерге сәйкес, республиканың осы аймағында коронавирустық инфекцияны жұқтырудың 2128 жағдайы ресми түрде тіркелді, ал Қазақстанда олардың жалпы саны 20319-ға жетті.
