Коронавирусқа қарсы вакциналау басталғаннан бері Қарағанды облысында 700-ге жуық медицина қызметкері егілді. Ағымдағы жылдың соңына дейін облыстың 700 000-ға жуық тұрғынын егу жоспарланып отыр. Бұл туралы брифинг барысында денсаулық сақтау басқармасының басшысы Ержан Нұрлыбаев мәлімдеді.
«Қарағанды облысы «жасыл » аймақта. Эпидемия жағдайы тұрақты деп саналады. Өткен аптада 418 науқас анықталды, оларда ауру зертханалық диагностикалық әдіспен расталды. 21 000 адам тестілеуден өтті», — деді Нұрлыбаев.
Коронавирус инфекциясына қарсы екпе жасау үшін өңір бойынша 115 екпе кабинеті ашылды. Вакцинаны тасымалдау және сақтау қауіпсіздігі үшін қажетті жабдықтар сатып алынды.
Әр егу кабинетінде онлайн режимде не болып жатқанын көрсететін бейнекамералар орнатылды.
Басқарма басшысы атап өткендей, вакциналанатын адамдар саны ай сайын көбейіп отырады.
«Бір жыл ішінде облысымыздың кемінде 700 000 тұрғынын вакциналау жоспарлануда. Жалпы, Қазақстанда осы жылдың соңына дейін алты миллион адамды егу көзделіп отыр. Коронавирус вакцинамен басқарылатын вирустың түрі болып табылады. Вакцинация — бұл барлық шектеулерді алып тастауға мүмкіндік беретін, дәстүрлі өмір салтына оралуға жағдай жасайтын жалғыз жол», — деді Нұрлыбаев.
Сурет: inform.kz
