Қарағанды облысында 46 дәрігер коронавирустық инфекцияны жұқтырды. Бұл ақпаратты аймақтың денсаулық сақтау басқармасы растады.
Қарағанды облысы аурушаңдықтың өсімі бойынша бірнеше тәулік бойы көш бастап келеді. Өңірдің денсаулық сақтау басқармасының ақпаратына сәйкес, 10 маусымға облыстың 8 тұрғыны ауыр жағдайда, олар өкпені жасанды желдету аппаратына қосылған.
Сондай-ақ, коронавирустан Ботақара кентінің санитарлық дәрігері қайтыс болды. Қарағанды облысында коронавирустық инфекциядан барлығы 7 адам қаза тапты.
Облыс бойынша 14 мыңнан астам байланыстағы тұлғалар анықталды, оның 303 коронавирус симптомсыз өтті.
Қарағанды облысының әкімі Жеңіс Қасымбек тұрғындардың карантинге бейқам қарайтынын және шектеу шараларын сақтамайтынын мәлімдеді.
“Күн сайын көшелерде тұрғындар бетперде кимейді, қашықтықты сақтамай қаптап жинайды. Бұл адамдардың мұндай жүріс – тұрыс қауіптілігін жергілікті жерлерде түсіндіру керектігін білдіреді”, – деп атап өтті Жеңіс Қасымбек.
Ол коронавирустың шығуына байланысты Теміртау мен Бұқар Жырау ауданының әкімдеріне сөгіс жариялады. Өңір басшысы әкімдер мен санитарлық қызметтердің қызметіндегі олқылықтар инфекцияның өршуіне алып келді деп санайды.
Сурет: tengrinews.kz
