Еуропалық Одақ пен Нидерландияның Қазақстандағы ьөтенше және өкілетті елшілері Свен-Олов Карлссон мен Андре Карстенс, сондай-ақ Орталық Азиядағы БҰҰ есірткі және қылмыс жөніндегі басқармасының өңірлік өкілі Ашита Миттал Қарағанды облысында болды.
Делегацияның осындай жоғары сапарының басты мақсаты қамаудағыларды әлеуметтік қайта ықпалдастыру жөніндегі бірлескен бастаманы іске асыру барысымен танысу болып табылады.
Қарағанды облысына келген делегацияны аймақ әкімі Жеңіс Қасымбек қабылдады,одан кейін мемлекеттік органдар мен азаматтық сектордың өкілдері қатысқан сараптамалық кеңес өтті.
Кеңеске қатысушылар алдында сөз сөйлеген облыс әкімі Қарағанды облысы республикамыздың ең үлкен аймақтарының бірі екенін атап өтті. Ол Қазақстан аумағының 17%-ын алады.
«Облыста пенитенциарлық мекемелер көп. Тарихи жағдай осылай болды. Сіздердің миссияңыз біз үшін өте маңызды. Сотталғандардың босатылғаннан кейінгі әлеуметтік реинтеграциясы — басым бағыттардың бірі. Біз үшін сіздердің тәжірибеңіз құнды», — деді Қасымбек.
Бастама туралы айтатын болса,ол экстремистік және лаңкестік бағыттағы қылмыстары үшін сотталғандармен жұмыс істеуге, сондай-ақ қамаудағылардың радикалдануының алдын алуға бағытталған.
Кеңес барысында қатысушылар түрмелерде оңалтуға және бостандыққа шыққан адамдарды әлеуметтік бейімдеуге бағытталған бағдарламаларды талқылады.
Қарағанды облысының әкімі шетелдік делегаттарды өңір билігі осы бірлескен бастаманы жүзеге асыруға қажетті көмек көрсететініне сендірді.
