Жұртшылық, ауыл шаруашылығы министрлігі мен құқық қорғау органдары қызметкерлерінің қатысуымен дөңгелек үстел өтті, онда браконьерлік мәселелері талқыланды, деп хабарлайды Zakon.kz сайты, “Хабар 24” телеарнасына сілтеме жасап.
Дөңгелек үстелде полиция қызметкерлері мен браконьерлер арасындағы сыбайлас жемқорлық мәселелері көтерілді. Атап айтқанда, жақында Қарағанды облысында учаскелік полиция инспекторынан киіктің 30 ұшасы мен мүйіздері табылғаны туралы айтылды.
Сондай-ақ, іс-шарада былтыр Батыс Қазақстан облысында кесілген ақбөкен мүйіздерін жою бойынша өткізілген акция туралы айтылды. Сол кезде комиссия жоюға жататын 411 мүйізді анықтады, бірақ оларды жою кезінде 148 ғана қалған, ал қалғандары белгісіз.
Соңғы уақытта ақбөкен мүйіздерін сатып алатын 19 сайт жабылды.
Қазақстандық биоалуантүрлілікті сақтау қауымдастығының атқарушы директоры Вера Воронова бүгінгі таңда ақбөкен мүйізі мен тасбақаның иісіне үйретілген 16 із кескіш иттер даярланғанын хабарлады. Бұл иттер кеден және шекара қызметтерінде ақбөкен мүйіздерін және басқа да жануарларды заңсыз сату жағдайларын анықтауға қатысады.
Сурет: rantiel.com.ua
