Қарағанды облысы бойынша экология департаменті “Алтай Полиметаллы” ЖШС-не қатысты “Теректі тау-кен байыту комбинаты”байыту фабрикасының өнеркәсіптік ағындарын төгу фактісі бойынша жоспардан тыс тексеруді бастады. Бұл туралы ҚР Энергетика министрінің баспасөз хатшысы Нұрлыбек Жеңісбек хабарлады.
Баспасөз хатшысы ағымдағы жылдың 10 сәуірінде Қарқаралы ауданы әкімінің “Теректі тау-кен байыту комбинаты” (ТГОК) кен байыту фабрикасының өнеркәсіптік ағындарының түсу фактісі бойынша “Алтай Полиметаллы” ЖШС-нің өтініші бойынша Айыр ауылының маңында жер бедеріне Қарағанды облысы бойынша экология департаменті мен “Қазгидромет”РМК мамандарының шығуы жүзеге асырылғанын мәлімдейді. Мамандар талдау жүргізу үшін төгілетін судың сынамасын іріктеп алды.
“Алтай Полиметаллы” ЖШС Теректі тау-кен байыту комбинаты Қарқаралы ауданында орналасқан “Көктасжал” кен орнын игерумен айналысады. Бұл кен орны Теректі елді мекенінен сегіз шақырым жерде орналасқан.
“Алтай Полиметаллы” ЖШС-де олар қазір бұзушылықтарды жоюмен айналысатынын мәлімдейді.
Жергілікті жер бедеріне өнеркәсіптік сарқынды сулардың түсу фактісі бойынша қауіпті экологиялық жағдайды жою бойынша шұғыл шаралар қабылдау үшін мемлекеттік органдарға (Қарағанды облысының Қоғамдық денсаулық сақтау департаменті, Қарағанды облысының Төтенше жағдайлар департаменті, Табиғи ресурстар және табиғат пайдалануды реттеу басқармасы) хаттар жіберілді.
Жүргізілген тексерулер мен сараптамалардың нәтижесі туралы мамандар жеке баяндайды.
