Көмірді байытуға мамандандырылған «KAZ Феррит» Қарағанды кәсіпорнының қызметкерлері наразылық акциясын өткізді.
Акция барысында жүзге жуық жұмысшы «KAZ Феррит» аумағының бір бөлігі жерге меншік құқығын қорғаған «СВХ-Портал» компаниясына берілсін деген сот шешімімен келіспейтіндерін мәлімдеді.
Сондай-ақ, наразылық білдірушілер жер берілгеннен кейін, онда орналасқан өндірістік цехтар бөлшектелетінін, нәтижесінде 500-ге жуық адам жұмыссыз қалатынын айтты.
«KAZ Феррит» директоры Иван Назаренконың айтуынша, акция биліктің назарын аудару мақсатында ұйымдастырылды, ол билік туындаған жағдайды шешуге көмектесуі керек екенін баса айтты.
«Бұл мәселені тиісті органдар шешуі керек. Сондықтан біз билікке заң бойынша бұл жерлерді қайтару туралы өтінішпен шықтық, өйткені ол жер бастапқыда зауыт құрылысына берілген болатын», — деді Назаренко.
Қарағанды әкімдігінің өкілдері өз кезегінде мұндай жағдайдың туындауының себебі жобаны бірге жүзеге асырған, бірақ кейін бөлінген екі құрылтайшының арасындағы мүлік дауы болып табылатынын хабарлады.
Сонымен бірге Қарағанды жер қатынастары бөлімінде өндірістік цехтардың жер учаскесін, жерді жобалау кезінде бұзушылыққа жол берілгендіктен, мемлекет меншігіне қайтару мәселесі қарастырылуда.
Жер учаскесі мемлекет меншігіне қайтарылғаннан кейін, оны меншік иелеріне беруге байланысты мәселелермен тиісті комиссия айналысатын болады.
Сурет: rus.azzatyq.org
