Әлеуметтік желілерде Қапшағайдағы қара металл жинау пунктінде авиациялық снарядтың жарылысы туралы мәлімет таратылады, деп хабарлайды vlast.kz ақпараттық агенттігі.
Еліміздің қорғаныс ведомствосы қара металл жинау пунктінде әуе снарядының жарылысы орын алып, нәтижесінде металл сынықтарын сұрыптаушы қаза болғанын мәлімдеді.
Сонымен қатар, Қорғаныс министрлігінің өкілдері жарылыс басқарылмайтын авиациялық снарядты кесу кезінде орын алғанын анықтады.
Осы жинац пункті иесінің айтуынша, жақын арада үш белгісіз біреу металл сынықтарын алып келген. Қазіргі уақытта металл сынықтарын тарсырушылар қолға түсті.
Қазір орын алған оқиға бойынша тергеу амалдары жүргізілуде. Қорғаныс министрлігінде металл сынықтарын жинаушылар жыл сайын зымыран атылатын “Қазақстан” оқу полигоны аумағынан 5 мыңға жуық снаряд ұрланады деп санайды.
Қорғаныс министрлігінде “Қазақстан” полигонында оқу-жаттығу шаралары аяқталғаннан кейін аумақты жарылмаған снарядтардан тазарту жүргізілетінін, алайда кейбір оқ-дәрілердің қалдықтары жерге көміліп қалуы мүмкін екенін айтты.
Полигон аумағы тұрақты негізде қызмет көрсету тобының жеке құрамы мұнарадан күзетеді. Алайда, кейбір адамдар қолданылып жатқан шаралар мен тыйым салынған белгілерге қарамастан полигонға кіріп, оқ-дәрілердің фрагменттерін ұрлап, одан әрі металл қабылдау пункттеріне тапсырады.
Қорғаныс министрлігі металл сынықтарын және әскери мақсаттағы басқа да заттарды қабылдауға тыйым салу туралы заңнамаға түзетулер енгізуді бірнеше рет ұсынғанын айтты.
Қорғаныс министрлігінің өкілдері қазір бұл қызметті лицензиялау туралы мәселе қарастырылып жатқанын атап өтті.
