Қазақстанның минасыздандыру топтарының командирлері әскери қызметшілердің теориялық және практикалық дағдыларын жетілдіру мақсатында Қапшағай гарнизонында оқу-әдістемелік жиындар өткізеді. Бұл туралы ақпарат dknews.kz агенттігі жазады.
Бір апта ішінде әскерилер жергілікті жерді жарылғыш заттардан тазартуды ұйымдастыру және жүргізу мәселелерін зерделейді, сондай-ақ оқ-дәрілердің әртүрлі түрлерінің жалпы құрылымымен танысады.
Сонымен қатар, жиын барысында әскери қызметкерлер заманауи инженерлік барлау құралдарының тактикалық-техникалық сипаттамаларын және жарылғыш заттардың жұмыс істеу принципін зерттейді.
Командирлер жергілікті жерді тазартуды ұйымдастыру және жүргізу, инженерлік, авиациялық және Артиллериялық оқ-дәрілерді залалсыздандыру қағидаттары мен ережелері бойынша теориялық және практикалық сабақтар ұйымдастырады.
Оқу-жаттығуды авиациялық зақымдау құралдары мен зымырандық-артиллериялық қару-жарақ өкілдері де өткізетін болады.
Тәжірибелік сабақтар «Берег» оқу полигонында жауынгерлік міндетті орындауға барынша жақын жағдайларда өтеді.
Сурет: dknews.kz
