Индустрия және инфрақұрылымдық даму министрінің бұйрығымен Қазақстан Республикасы Индустрия және инфрақұрылымдық даму министрлігі Индустриялық даму және өнеркәсіптік қауіпсіздік комитетінің төрағасы ауысты. Енді оны Қанат Құрмашұлы Баитов басқарды.
Байтов 1968 жылы Павлодар облысында туған. Қарағанды политехникалық институтын, Көкшетау экономика және менеджмент институтын бітірген.
1992-1994 жылдары “Қазалтын” КБК Бестөбе кенішінің №2 шахтасында жерасты тау-кен шебері болып жұмыс істеді. 1994-1995 жылдары – “Казалтын” КБК Бестөбе кенішінің “Западная” шахтасының бас инженері. 1995-1999 жылдары — “Қазақалтын” АҚ Ақ Су кенішінің “Капитальная” шахтасының бас инженері.
1999-2002 жылдары – “Комкор” ААҚ экономика және қаржы жөніндегі директоры. 2003-2008 жылдары банк құрылымында жұмыс істеді. 2008-2009 жылдары – “Өндіріс компания” ЖШС директорының экономика және қаржы жөніндегі орынбасары.
2009 жылдан бастап Индустрия министрлігінде жұмыс істейді. 2009-2010 жылдары — металлургия және химия өнеркәсібі басқармасының бастығы, 2010-2011 жылдары тау — кен өнеркәсібі басқармасын басқарды, 2011-2014 жылдары – ҚР Индустрия және сауда министрлігі Өнеркәсіп комитетінің тау-кен металлургия өнеркәсібі басқармасының басшысы.
2014-2019 жылдары — ҚР Инвестициялар және даму министрлігі Индустриялық даму және өнеркәсіптік қауіпсіздік комитеті төрағасының орынбасары.
2014-2019 жылдары — ҚР Инвестициялар және даму министрлігі Индустриялық даму және өнеркәсіптік қауіпсіздік комитеті төрағасының орынбасары.
2019 жылдың ақпан айынан бастап ҚР Индустрия және инфрақұрылымдық даму министрлігі Индустриялық даму және өнеркәсіптік қауіпсіздік комитеті төрағасының орынбасары қызметін атқарды.
Сурет: Primeminister.kz
