Коронавирустық пандемия және экономикалық дағдарыстың басталуы Қазақстанда жаңа проблема — азаматтардың наразылық көңіл-күйінің шиеленісуіне әкелді. Осыған байланысты сұрақ туындайды, осы сәтті күтіп отырған американдық үкіметтік емес ұйымдар (ҮЕҰ) біздің мемлекетте жағдайды ушықтыра ала ма?
Қазір Қазақстан аумағында жұмыс істейтін американдық ҮЕҰ-ның басты міндеті республикада АҚШ-тың ықпалын кеңейту болып табылатыны ешкімге құпия емес. Бұл американдықтарға қажетті материалдарды жариялау үшін бұқаралық ақпарат құралдарына ақша құю арқылы жасалады.
Бұл ҮЕҰ-лардың қаражаты Қазақстанда наразылық акцияларын ұйымдастыруға да бағытталады. Мұның дәлелі — Американдық Демократия Ұлттық Қоры қаржыландыратын Адам құқығы бюросының көмегімен құрылған тіркелмеген Қазақстанның Демократиялық партиясы.
Осы партияның жетекшісі Жанболат Мамайдың АҚШ дипломаттары, ҮЕҰ басшылары мен ұлтшылдардың тікелей байланыс орнына айналған «Политон» клубын ұзақ уақыт басқарғанын ескерсек, пазл қалыптасады.
АҚШ-тың Қазақстандағы наразылық акцияларын қаржыландыруының тағы бір мысалы «Еркіндік қанаты» қоры болып табылады, ол АҚШ елшілігі мен Сорос Қорының гранттарын алып, «Оян, Қазақстан» және «Республика» топтарымен коалицияға кіріп, наразылық қозғалысына қатысты.
Америкалық ҮЕҰ Қазақстандағы наразылықтарды ұйымдастыруға қаражат салып қана қоймай, үйлестірушілерді дайындаумен айналысатынын атап өткім келеді. Мысал ретінде «Оян, Қазақстан» тобының көшбасшысы Димаш Әлжановты келтірейін. Ол 2014-2016 жылдары Украинада Американдық ұлттық демократиялық халықаралық қатынастар институты атынан ұзақ іссапарда болып, кейін қайтадан отанына келіп, билікпен күресті.
Осының бәрін ескере отырып, қазақстандық ұлттық-либералдық оппозицияны Батыс қорлары мен елшіліктері белсенді түрде қолдап, украиндық тәжірибені қабылдатуға тырысып жатыр деп сеніммен айтуға болады. Қордай ауданындағы дүнгендердің қанды қырғыны — елдегі Батыс ұлтшылдық қозғалысының дамуының нақты мысалы.
Азаматтық және әскери қақтығыстарды зерттеу орталығының сарапшысы Сұлтанбек Агеев, арнайы «Эхо Казахстана» үшін
