Әділет министрі Марат Бекетаев брифинг өткізіп, біздің республикамызда жаңа саяси құрылымдардың тіркелуі туралы айтты, деп хабарлайды «ҚазТАГ» жаңалықтар ресурсы.
Әділет министрлігінің басшысы партияны құру процесі екі кезеңнен тұратынын еске салды. Біріншісі — бастамашыл топ құруды және Әділет министрлігіне тиісті өтінім беруден тұрады. Егер ол мақұлданса, саяси бірлестікті құрушылар екінші кезеңге өтуі мүмкін. Ол съезд өткізуді және қол жинауды көздейді.
Бекетаев 2020 жылы өзі басқаратын ведомствоға партия құруға 9 өтінім келіп түскенін, оның 6-ы қабылданбағанын атап өтті. Әділет министрлігінің басшысы бұл ұсынылған құжаттардың заңнама талаптарына сәйкес келмеуіне байланысты екенін түсіндірді.
«Талаптарға сай келетін үш топқа хабарлама берілді, олар съезді өткізіп, келесі құжаттар пакетін енгізуі керек. Бір топ адамдар съезді өткізіп, құжаттар пакетін ұсынды. Қазір бұл құжаттаманы тексеріп жатыр», — деп атап өтті Бекетаев.
Сонымен қатар, ол партияны тіркеуден бас тартылған бастамашыл топтар өз қателіктерін түзетіп, Әділет министрлігіне қайта өтініш бере алатынын айтты.
Бұған дейін бұрынғы нұротандық Нұржан Әлтаев Әділет министрлігі оған партияны тіркеуден үш рет бас тартқанына шағымданған болатын. Оның пікірінше, билік саяси өзгерістерге дайын емес, сондықтан жаңа саяси бірлестік құруға әдейі мүмкіндік бермейді.
Сурет: forbes.kz
