Алматы әкімі Бақытжан Сағынтаевтың төрағалығымен өткен инвестициялар тарту жөніндегі кеңесте экономиканың тұрақты дамуының негізі ретінде негізгі капиталға салынатын инвестициялардың одан әрі өсуін қамтамасыз ету бойынша міндеттер қойылды.
Қабылданып жатқан шаралардың, соның ішінде Almaty Business-2025 бағдарламасы шеңберіндегі шаралардың арқасында белсенділігі төмен аудандар экономикалық белсенділікке тартылуда. Қазір Алатау, Наурызбай және Түрксіб аудандарына қаланың жалпы инвестицияларының 35% келеді.
Салалар бөлінісінде жылжымайтын мүлік басым, оған қаланың барлық инвестицияларының үштен бірі келеді (“TERRA” ТК, “LAMIYA” ТК, “BASENOVA 10” ТК және т.б.). Өнеркәсіп саласы 9% (“HYUNDAI TRANS AUTO” ЖШС зауытты кеңейту жобасы 2-ші кезек, “Рахат “СК” ЖШС, “Электробар” ЖШС және т.б.), әлеуметтік саладағы жобалардың үлесі 7,5% (Helmer медициналық-оңалту орталығы, Орталық Азия экологиялық зерттеулер институты, “демеу қоры “АҚ балет театры және т. б.) алады.
2021 жылы қалада жалпы құны 363,4 млрд.теңгеге, 10,2 мыңнан астам жұмыс орындарын құрумен 87 жобаны іске асыру жоспарлануда.
Естеріңізге сала кетейік, бұған дейін Алматы әкімі шағын өнеркәсіптік бақтар құру жобасымен танысты. Оларға 4 млрд теңгеден астам инвестиция салынады, ондаған шағын кәсіпорындар мен мыңнан астам жұмыс орындары құрылады.
Қала әкімі Бақытжан Сағынтаевтың тапсырмасы бойынша жоспарлы түрде іске асырылып жатқан шаралар мен инвестициялар тарту жөніндегі кешенді тәсіл экономиканың, ШОБ саласы мен өнеркәсіптік өндірістің тұрақты өсуін көрсетуде.
