Алматы қаласының автобус жолаушылар тасымалы кәсіпорындары қауымдастығы әкімдікке қаладағы төтенше жағдай кезінде шығындарды өтеу туралы өтініш білдірді.
Тасымалдаушылар автопарктер жолаушылар ағынының едәуір төмендеуіне байланысты маршруттарға қызмет көрсетуде шығынға ұшырайтынын мәлімдейді.
“Атап айтқанда, 31 наурызға жолаушылар саны 25 ақпанмен салыстырғанда 15 есеге, 2,25 миллионнан 150 мың транзакцияға дейін азайды. Нәтижесінде, жолаушылар ағынының төмендеуімен автобус парктері күрделі қаржылық жағдайға тап болды, бұл кәсіпорындардың жақын арада жалақы, ЖЖМ, ЕДБ несиелері, салықтар және тағы басқа төлемдердің мүмкін еместігіне байланысты тоқтап қалуы мүмкін”, – делінген мәлімдемеде.
Тасымалдаушылар күн сайын қоғамдық көліктің жұмысын ұйымдастыруды қамтамасыз ететін 1055 автобус маршруттарға шығады деп атап өтті.
“Жоғарыда айтылғандарға байланысты, төтенше жағдай кезінде қалалық автобус маршруттарына қызмет көрсету бойынша кәсіпорындардың шығындарын өтеуді қамтамасыз ету мүмкіндігін қарастыруыңызды сұраймыз”, – делінген хабарламада.
Сурет: arnapress.kz
