Алматылық Көкшетау қаласының тұрғындарынан хабарландыру орналастырылған танымал сайттың көмегімен жарты миллион теңгеден астам ақша ұрлаған. Бұл туралы Алматы облысы полиция департаментінің баспасөз қызметі хабарлайды.
Ведомство ақпаратына сәйкес, алаяқтық Көкшетау қаласының екі тұрғынына қатысты жасалған.
«Азаматтардың өтініштері бойынша жұмыс барысында күдікті анықталып, ұсталды. Ол бұрын сотталған Алматы қаласының 27 жасар тұрғыны болып шықты. Қылмыс алдын ала төлеу талабына байланысты, төлемді алып, «сатушы» байланысқа шығуды тоқтатады. Алаяқ «www.kolesa.kz» сайтына автобөлшектерді сату және жеткізу туралы жалған хабарландырулар жіберіп, жалған тұлғалардың байланыс нөмірлерін көрсеткен. Өз қызметі үшін ол төлемді банктік карталарға аударуды сұраған және тауарды жеткізу тәсілін егжей-тегжейлі сипаттаған. Алайда, картаға ақша түскеннен кейін алаяқ телефонын өшіріп тастаған», – деп хабарлады аймақтық полиция департаментінің баспасөз қызметі.
Зардап шеккендер алаяққа 533000 теңгеден астам ақша аударған. Қазіргі уақытта алаяқтыққа қатысты ҚР ҚК 190-бабы 2-бөлігінің 4-тармағы «Алаяқтық» бойынша қылмыстық іс қозғалды.
» Сайттарда автобөлшектерге тапсырыс беру кезінде алаяқтардың әрекеттерінен зардап шеккендерді, барлық растайтын құжаттарымен, полицияға хабарласуларыңызды сұраймыз. Сондай-ақ, барлық азаматтарды интернет арқылы тауарларға тапсырыс беру кезінде қырағы және мұқият болуды, жоқ тауар үшін төлем жасамауды, күмәнді мәмілелерден бас тартуды сұраймыз», — деп алматылық полицейлер жұртшылыққа жүгінді.
Сурет: inform.kz
