Алматының құқық қорғау органдарының қызметкерлері белсенді Қайрат Қылышевты ұстады. Ол біздің елімізде тыйым салынған «Коше партиясы» ұйымының қызметіне қатысты деп күдікке ілінді, деп хабарлайды vlast.kz жаңалықтар ресурсы.
Бұған дейін хабарланғандай, «Коше партиясы» қозғалысына тыйым салынған деп танылды, өйткені Бас прокуратураның ақпаратына сәйкес, өзінің экстремистік қызметін жалғастыру үшін «Қазақстанның демократиялық таңдауы» ұйымы өз атауын өзгерткен.
Белсендінің адвокаты Ғалым Нұрпейісовтың айтуынша, оның қорғауындағы адамға қатысты мемлекетіміздің Қылмыстық кодексінің 405-бабының 2-бөлігі бойынша (қоғамдық немесе діни бірлестіктің немесе өзге де ұйымның қызметіне қатысу, оларға қатысты экстремизмді немесе терроризмді жүзеге асыруға байланысты олардың қызметіне тыйым салу немесе жою туралы заңды күшіне енген сот шешімі бар) қылмыстық іс ашылды.
Қайрат Қылышевтің өзі қазір тергеу изоляторында. Осы уақытта сотқа дейінгі тергеудің барлық қажетті рәсімдері жүргізілуде.
Адвокат тергеу изоляторына орналастырылғанға дейін, оның қорғауындағы адам Талапкер кентінде өтен Нұр-Сұлтан тергеу изоляторында қайтыс болған белсенді Дулат Ағаділді еске алу бейбіт шеруіне қатысқаны үшін әкімшілік қамауға алынғанын айтты.
Сурет: liter.kz
