FlyArystan Әуекомпаниясы Алматыдан Таразға 1 мамырға алғашқы рейске билет сатуды бастады, деп хабарлайды Tengrinews.kz.
Алматы-Тараз-Алматы бағыты бойынша ұзақтығы 1 сағаттық ұшу билетінің бағасы, әуежайдың жолаушылар алымын қоса алғанда, бір жаққа 5000 теңгеден басталады. Күн сайынғы рейстер Airbus A320 (180 отыратын орын) ұшақтарында жүзеге асырылады, олар жылына 130000 астам жолаушы тасымалдай алады.
Тараз қаласының әкімдігі күн сайынғы рейстердің пайда болуы есебінен қалаға баратын қазақстандық және шетелдік туристер ағыны ұлғаятынына үміттенуде.
Өткен жылы құрылған FlyArystan лоукостері әлемдік бюджеттік авиакомпаниялар қағидаты бойынша жұмыс істейтін болады, онда қосымша қызметтер мен орынды таңдау, багажды тасымалдау, борттық тамақтану және басқалары сияқты сервис түрлерін жолаушы өзінің қалауы бойынша сатып алады.
FlyArystan флоты 180 отыратын орын конфигурациясындағы төрт Airbus 320-232 ұшақтарынан тұрады. Ұшақтардың орташа жасы-6 жыл. 2022 жылы компанияның әуе паркінде, Қазақстанның әр түрлі қалаларына негізделетін, 15 ұшаққа дейін ұлғайту жоспарланып отыр.
Сурет: pexels.com
