Алматыда жедел жәрдем жүргізушісінің бетіне оқ атқан, деп хабарлайды қалалық денсаулық сақтау басқармасының баспасөз қызметі.
Шабуыл «103» қызметі 7/31 бригадасының қызметкерлері медициналық көмек көрсету кезінде орын алды. «103» пультіне шақыру 11 желтоқсанда келіп түсті. Фельдшер науқасты қарап жатқанда, жүргізушісі жедел жәрдем автокөлігінде.болған
«Жүргізушінің сөзіне қарағанда, сағат 20.00 — де оған жас жігіт келіп, оның үйінің жанында тұрағынан көлікті әкетуін өтінген. Фельдшер мен пациентті ауруханаға апару үшін күтіп, жедел жәрдем жүргізушісі тұрған орнынан шыға алмады.Жедел жәрдем автокөлігі басқа көлік құралдарының жүруіне кедергі келтірмеді. Үйіне кірген жігіт, көп ұзамай газ тапаншасынан жүргізушіге оқ атқан, нәтижесінде жүргізуші түрлі күйік алған», — делінген баспасөз қызметінің мәлімдемесінде.
Фельдшер емделушімен бірге машинаға келгенде, зардап шегушіге алғашқы көмек көрсеткен. Шұғыл медициналық көмек көрсетілгеннен кейін зардап шеккен жүргізуші мен пациентті стационарға тасымалдау үшін қосымша екі «103» бригадасы шақыртылды. Оқиға куәгері мен шабуылшы жүргізушіге алғашқы көмек көрсетпегенін айтты.
Жағдайдың ауырлығына байланысты зардап шеккен адам № 4 қалалық клиникалық аурухананың күйік бөлімшесіне «бет пен мойынның I-II дәрежелі 4 пайыз химиялық күйігі» диагнозымен жатқызылды, қазіргі уақытта науқастың жағдайы орташа ауырлық дәрежесі ретінде бағаланады, ол дәрігерлердің бақылауында болады. Жағдайы ауыр болғандықтан зардап шеккен адам ауруханаға жатқызылды.
«Шынында да, біздің әріптесіміз өз міндеттерін орындау кезінде зардап шекті. Аталған дерек бойынша ақпарат Қазақстан Республикасының заңнамасына сәйкес ең қатаң шаралар қабылдау үшін құқық қорғау органдарына берілді. Бұл жедел медициналық көмек бригадаларының қызметкерлеріне шабуыл жасаудың жалғыз оқиғасы емес. Жедел жәрдем бригадаларының шұғыл шақыруларға шығатынын ұмытпау керек, жүргізушілер үшін әрбір минут сайын баратын жол, дәрігерлер мен фельдшерлер қысқа уақыт аралығында пациенттің жағдайын анықтау, алдын ала диагноз қою және қажетті медициналық көмек көрсету керек. Сондықтан қала тұрғындарын пациенттердің өмірін құтқару үшін өздерінің қызметтік міндеттерін атқаратын жедел жәрдем қызметкерлерінің жұмысына құрметпен қарауды өтінгім келеді», — деп атап өтті Алматы қаласы Денсаулық сақтау басқармасының басшысы Қанат Тосекбаев.
2013 жылы жедел жәрдем қызметкерлеріне 2, 2014 жылы — 3, 2015 жылы — 4 оқиға (оның ішінде екі жағдайда жедел жәрдем дәрігерлері аса ауыр жағдайда ауруханаға жатқызылды), 2016 жылы — 1, 2018 жылы — 5 оқиға тіркелді.
Сулет: tengrinews.kz
