“Ұлттық сараптама орталығының” қызметкерлері алматылық сауда орындарында жасанды ет саны артып келе жатқанын айтады, деп хабарлайды Tengrinews.kz журналисі.
Жеке кәсіпкерлер түрлі өнімдерді өндіруде жоғары пайда табу үшін сиыр еті, қой еті мен шошқа етінің орнына соя және тауық етін пайдаланады.
Өткен жылы 2000 сынама алынды, тексеру барысында олардың жартысына жуығы таңбалануына сәйкес келмейтіні анықталды. Ағымдағы жылдың алғашқы үш айында 142 сынаманың 99-ы проблемалы болып шықты.
Сиыр еті жиі арзан соя және тауық етімен араласады. Негізінен олар жартылай фабрикаттар – тұшпара, котлеттер мен шұжық.
Сурет: Экспресс К
